Արդարադատությունը շատ հարցեր ունի Սաակաշվիլիին. լրագրող Զվիադ Քորիձե

Հոկտեմբերի 27-ին կայացած նախագահական ընտրություններով Վրաստանում վերջնականապես ավարտվեց Սաակաշվիլիի դարաշրջանը: Սաակաշվիլիի` որպես քաղաքական գործիչ գործունեության դրական և բացասական կողմերը գնահատելու հնարավորություն վրացիները դեռևս կունենան: Սակայն, այսօր Վրաստանում քննարկվում են ավելի հրատապ հարցեր: Ո՞վքեր են երկրի նոր ղեկավարները` 44-ամյա նախագահ Գիորգի Մարգվելաշվիլին, և վարչապետի հավանական թեկնածուն` 31-ամյա Իրակլի Ղարիբաշվիլին: Ի՞նչ քաղաքական ծրագրեր և մոտեցումներ ունեն այս մարդիկ: Ի՞նչ դեր վրացական քաղաքականության մեջ կխաղա Բիձինա Իվանիշվիլին: Եվ վերջապես, ի՞նչ ապագա է սպասում Միխեիլ Սաակաշվիլիին, որին Վրաստանում շատերը համարում են մեծ պետական գործիչ, ում շնորհիվ Վրաստանը մեծ նվաճումներ է արձանագրել, շատերն էլ համարում են հանցագործ և բռնապետ, ում պետք է պատժել իր արարքների համար:

Այս ամենի մասին զրուցել ենք վրացի լրագրող, Վրաստանի լրագրողական էթիկայի խարտիայի խորհրդի անդամ Զվիադ Քորիձեի հետ:

Advertisements

Վրաստանի արտաքին քաղաքականությունը չի փոխվի՝ անկախ ընտրությունների արդյունքից. քաղաքագետ Գիորգի Մճեդլիշվիլի

Սեպտեմբերի 3-ի հայտարարությունը անակնկալ էր ոչ միայն Հայաստանի հասարակության, այլև մեր հարևանների համար: Թերևս ամենից շատ այն քննարկվում էր Վրաստանում, ինչը միանգամայն հասկանալի էր՝ հաշվի առնելով Վրաստանի և Ռուսաստանի մեղմ ասած բարդ հարաբերությունները: Մաքսային Միության և Հայաստանի թեման նաև բավականին ակտիվ սկսեց արծարծել Վրաստանի նախագահ Միխեիլ Սաակաշվիլին: Բավական է հիշել նրա աղմկահարույց ելույթը ՄԱԿ-ում կամ նրա վերջերս արված հայտարարությունը՝ Վրաստանի հնարավոր “հայկականացման” վերաբերյալ: Վարչապետ Բիձինա Իվանիշվիլիի կողմնակիցները ավելի զուսպ են արտահայտվում Մաքսային միության հարցով, սակայն նրանք ևս պնդում են, որ վճռականորեն շարունակելու են Վրաստանի եվրաինտեգրման գործընթացը: Ինչպես գտնում են քաղաքագետները, Սաակաշվիլիի հայտարարությունները կապված են նաև Վրաստանի ներքին քաղաքական խնդիրների, մասնավորապես հոկտեմբերի 27-ին կայանալիք նախագահական ընտրությունների հետ, որոնցում հաղթանակի հիմնական հավակնորդ համարվում է Իվանիշվիլիի կողմնակից Գիորգի Մարգվելաշվիլին:

Այս ամենի մասին զրուցում ենք վրացի քաղաքագետ, Մեծ Բրիտանիայի միջազգային հարաբերությունների թագավորական ինստիտուտի (Չաթամ հաուս) հրավիրված հետազոտող Գիորգի Մճեդլիշվիլիի հետ: