Ի՞նչ է նշանակում Եվրոպական հարևանության քաղաքականության վերանայումը. Ստեփան Գրիգորյան

Օրերս Եվրոպական հանձնաժողովը ներկայացրել է պարզաբանումներ Եվրոպական հարևանության քաղաքականության վերանայման վերաբերյալ: ԵՀՔ-ը, որպես ԵՄ քաղաքականության գործիք, գոյություն ունի ավելի քան տաս տարի: Այս ընթացքում՝ ծրագրում ընդգրկված երկրներում տեղի են ունեցել կարևոր, որոշ դեպքերում բավականին դրամատիկ գործընթացներ, և հարկ էր ԵՀՔ-ը  համապատասխանեցնել փոփոխվող իրավիճակին: Ճիշտ է, ծրագրի հիմնական նպատակները և նախապատվությունները մնացել են նույնը, սակայն մտցվել են որոշակի փոփոխություններ` մասնավորապես անվտանգության, ահաբեկչության դեմ պայքարի, միգրացիայի ոլորտներում:  ԵՀՔ վերանայված տարբերակի մասին զրուցել ենք Գլոբալացման և տարածաշրջանային համագործակցության կենտրոնի ղեկավար Ստեփան Գրիգորյանի հետ:

Advertisements

ԱլԳ ՔՖՀ հայտարարությունը ՀՀ-ում սահմանադրական փոփոխությունների գործընթացի վերաբերյալ. Հերիքնազ Հարությունյան

Անցյալ շաբաթ Կիևում կայացած Արևելյան գործընկերության Քաղաքացիական հասարակության ֆորումի տարեկան համաժողովում քննարկման առարկա է դարձել Հայաստանում սահմանադրական բարեփոխման գործընթացը: ՔՖՀ-ն ընդունել է հայտարարություն, որով արտահայտում է իր մտահոգությունն առ այն, որ ինչպես բարեփոխման գործընթացը, այնպես էլ առաջարկվող նախագիծը չեն համապատասխանում ժողովրդավարական չափանիշներին (ամբողջական տեքստը տե’ս ստորև): ՔՀՖ-ում տեղի ունեցած քննարկումների և հայտարարության մասին զրուցել ենք ԱլԳ ՔՀՖ Հայաստանի ազգային պլատֆորմի քարտուղարության գործադիր տնօրեն Հերիքնազ Հարությունյանի հետ:

ԱլԳ ՔՀՖ ՀԱՅՏԱՐԱՐՈՒԹՅՈՒՆԸ
Հայաստանի Հանրապետությունում Սահմանադրության փոփոխությունների գործընթացի վերաբերյալ
.
Մենք՝ Արեւելյան գործընկերության Քաղաքացիական հասարակության ֆորումի՝ Կիեւում ընթացող 7-րդ տարեկան համաժողովի մասնակիցներս, կիսելով ՔՀՖ Հայաստանի ազգային պլատֆորմի մեր գործընկերների մտահոգությունը, հայտարարում ենք, որ Հայաստանի Հանրապետությունում տեղի ունեցող Սահմանադրության փոփոխությունների գործընթացը բազմաթիվ բաղադրիչներով չի համապատասխանում ժողովրդավարության չափանիշներին:
Մեզ մտահոգում է, որ Սահմանադրության նախագծի մշակման եւ դրա վերաբերյալ հանրաքվեի անցկացման քարոզչության գործընթացը՝ ներառյալ իրազեկման համար հավասար հնարավորությունների ապահովման եւ ընտրացուցակների կազմման աշխատանքները, իրականացվում են ակնհայտ խախտումներով եւ արդեն իսկ անվստահություն են ձեւավորում Սահմանդրության հանրաքվեի վերջնական արդյունքների նկատմամբ:
Հիշեցնում ենք, որ Արեւելյան գործընկերության քաղաքացիական հասարակության ֆորումի Հայաստանի ազգային պլատֆորմը մինչ այդ հանդես է եկել հայտարարությամբ՝ նշելով, որ ՀՀ իշխանությունների նախաձեռնած սահմանադրական փոփոխությունների գործընթացը եւ դրա վերաբերյալ հանրաքվեի անցկացումը ժամանակավրեպ են եւ բխում են ոչ թե հասարակության եւ պետության շահերից, այլ բացառապես՝ առկա քաղաքական կոնյունկտուրայից:
Մենք անընդունելի ենք համարում իշխող կուսակցության կողմից հանրային ռեսուրսները միակողմանի քարոզչության եւ իշխանության վերարտադրման շահերին ծառայեցնելու պրակտիկան:
Մենք ահազանգում ենք, որ ՀՀ Սահմանադրության փոփոխությունների նախագծում պատշաճ կերպով սահմանված չեն մարդու իրավունքներին եւ հիմնարար ազատություններին, տեղական ինքնակառավարմանը, շրջակա միջավայրի պահպանությունն ու վերականգնմանը, բնական պաշարների ողջամիտ օգտագործմանը եւ այլ ոլորտային խնդիրներին վերաբերող բազմաթիվ դրույթներ:
Ահազանգում ենք, որ ՀՀ Սահմանադրության փոփոխությունների առկա գործընթացը չի նպաստում Հայաստանի Հանրապետության քաղաքացիների՝ որոշումների կայացման մասնակցության իրավունքի իրացմանը եւ դա պետք է արժանանա բոլոր այն միջազգային կառույցների ուշադրությանը, որոնք ունեն մարդու իրավունքների պաշտպանության եւ ժողովրդավարության տարածման առաքելություն:
ԱլԳ Քաղաքացիական հասարակության ֆորում
20 նոյեմբերի, 2015թ.
Կիեւ

Լեռնային Ղարաբաղի խնդիրը և Եվրոպական կառույցները. Արտակ Այունց

Եվրախորհրդի խորհրդարանական վեհաժողովի (ԵԽԽՎ) քաղաքական հարցերով հանձնաժողովի կողմից Լեռնային Ղարաբաղին վերաբերող զեկույցի ընդունումը առիթ դարձավ Հայաստանի արտաքին քաղաքականության արդյունավետության մասին բուռն քննարկումների համար: Բրիտանացի պատգամավոր Ռոբերտ ՈՒոլթերի պատրաստած զեկույցը, ինչպես բազմիցս նշվել է, խիստ միակողմանի է և պարունակում է հայկական կողմի համար անընդունելի մի շարք դրույթներ: Այս կապակցությամբ առաջանում են մի շարք հարցեր: Ինչու՞ հնարավոր դարձավ այսպիսի զեկույցի ընդունումը: Արդյո՞ք դեռևս հնարավորություն կա զեկույցի մեջ փոփոխություն մտցնել: Եվ ի վերջո, արդյո՞ք մենք կարողանում ենք ճիշտ ներկայացնել մեր ղարաբաղյան հիմնախնդրի հետ կապված մեր դիրքորոշումները եվրոպական կառույցների հետ աշխատելիս: Այս ամենի մասին զրուցել ենք կոնֆլիկտաբան Արտակ Այունցի հետ:

Արևելյան գործընկերության քաղաքացիական հասարակության ֆորումի ասամբլեա` ի՞`նչ սպասելիքներ ունենք. Հայկուհի Հարությունյան

Մի քանի օր անց Կիևում իր աշխատանքը կսկսի ԱլԳ Քաղաքացիական հասարակության ֆորումի յոթերորդ ամենամյա ասամբլեան, որին կմասնակցեն Հայաստանի քաղաքացիական հասարակության մի շարք ներկայացուցիչներ: Այսօր, երբ  պետական մակարդակով Հայաստան-ԵՄ համագործակցության հնարավորությունները որոշ չափով սահմանափակված են` պայմանավորված աշխարհաքաղաքական իրողություններով, առավել կարևոր է դառնում քաղաքացիական հասարակության դերը ԱլԳ ձևաչափով համագործակցությունը շարունակելու գործում: Այն մասին, թե ինչ սպասելիքներ ունեն Հայաստանի քաղաքացիական հասարակության ներկյացուցիչները Քաղաքացիական հասարակության ֆորումի ասամբլեայից, զրուցում ենք <<Իրավունքների պաշտպանություն առանց սահմանների>> ՀԿ նախագահ Հայկուհի Հարությունյանի հետ:

Ահաբեկչությունը որպես մարտահրավեր ԵՄ քաղաքականության համար. Արտակ Այունց

Երեկ երեկոյան Փարիզում տեղի ունեցավ զարհուրելի ահաբեկչական հարձակումների մի շարք, որին զոհ գնացին հարյուրավոր մարդիկ: Ահաբեկչական գործողություններ տեղի ունեցան նաև Լիբանանում և Իրաքում: Այս ոճրագործությունների շարքը կապում են <<Իսլամական պետություն>> ահաբեկչական կազմակերպության հետ: Եթե երեկ տեղի ունեցածին գումարենք նաև ռուսաստանյան ինքնաթիռի կործանումը Եգիպտոսում, որն ամենայն հավանականությամբ ևս ահաբեկչության արդյունք էր, պարզ է դառնում, որ ահաբեկչության այս ալիքը աննախադեպ մի մարտահրավեր է Եվրոպայի համար: Թերևս այս սպառնալիքը կարելի է համեմատել միայն դարի սկզբին  Ալ-Քաիդայի ձեռնարկած հարձակումների հետ: Այն մասին, թե ինպես Արևմուտքը, մասնավորապես ԵՄ-ը կարձագանքի այս իրադարձություններին, և ինչ հետևանքներ այս ամենը կարող է ունենալ մեր տարածաշրջանի համար, զրուցել ենք կոնֆլիկտաբան Արտակ Այունցի հետ:

ՈՒկրաինան տեղական ինքնակառավարման մարմինների ընտրություններից հետո. Սուրեն Սաղաթելյան

Հոկտեմբերի 25-ին ՈՒկրաինայում տեղի ունեցան տեղական ինքնակառավարման մարմինների ընտրություններ (որոշ վայրերում կայանալու է ընտրությունների երկրորդ փուլ, որը նախատեսված է նոյեմբերի 15-ին): Այս ընտրությունները ՈՒկրաինայի քաղաքական կյանքում կարևոր նշանակություն ունեցան, քանի որ ուկրաինացի ընտրողին հնարավորություն տրվեց իր վերաբերմունքն արտահայտել հեղափոխությունից հետո ազդեցիկ դարձած քաղաքական ուժերի հանդեպ և գնահատական տալ նրանց գործունեությանը: Ընտրությունների արդյունքների և ՈՒկրաինայում առկա իրավիճակի մասին զրուցել ենք ընտրությունների գծով փորձագետ, Թրանսփերենսի Ինթերնեշնլ Հայաստան հակակոռուպցիոն կենտրոնի խորհրդի անդամ Սուրեն Սաղաթելյանի հետ:

Խորհրդարանական ընտրությունները Թուրքիայում և դրանց հետևանքները Թուրքիա-ԵՄ հարաբերությունենր համար. Անդրանիկ Իսպիրյան

Նոյեմբերի 1-ին Թուրքիայում տեղի ունեցած խորհրդարանական ընտրությունների արդյունքում, հառակակ կանխատեսումների, Էրդողանի <<Արդարություն և զարգացում>> կուսակցությունը, ստացավ ձայների 49.5 տոկոսը, ինչը բավարար է խորհրդարանական մեծամասնություն ձևավորելու համար: Այս արդյունքը նշանակում է, որ վերջին տարիներին Թուրքիայում արձանագրված ավտորիտար միտումները կարող են խորանալ, իսկ ներքին քաղաքական իրավիճակը կարող է էլ ավելի սրվել, հատկապես երկրի քրդաբնակ հատվածում: Մյուս կողմից, Սիրիայի ճգնաժամը, մասնավորապես փախստականների խնդրի լուծման անհրաժեշտությունը հանգեցրել են որոշակի ջերմացման Թուրքիա-ԵՄ հարաբերություններում, որոնք վերջին տարիներին բավականին լարված էին: Ի՞նչ զարգացումներ են սպասվում Թուրքիայում և ինչպե՞ս դրանք կանդրադառնան ԵՄ-Թուրքիա հարաբերությունների, և հայ-թուրքական հարաբերությունների վրա: Արդյո՞ք ներկա իրավիճակում Հայաստանի և Թուրքիայի քաղաքացիական հասարակությունները հնարավորություն ունեն ազդելու իրավիճակի վրա: Այս ամենի մասին զրուցել ենք թուրքագետ Անդրանիկ Իսպիրյանի հետ: